"Арсенал" ярим ҳимоячиси Деклан Райс "Манчестер Сити" футболчиси Родри ҳақида ўз фикрини айтди.
Инглиз ва испан ярим ҳимоячилари кўпинча майдондаги ўхшаш функциялари туфайли таққосланади. Якшанба куни Райс ва Родри жамоалари тўқнаш келишди, бироқ ғолиб номи аниқланмади (0:0).
"Родри - монстр", дейди Райс испаниялик ҳақида. - Англия терма жамоаси лагерида "Манчестер Сити" футболчилари билан суҳбатлашганда, уларнинг Родрисиз жамоа ўйини қандай ўзгариб бораётгани ҳақида гапиришларини тез-тез эшитаман. Улар фарқни ҳис қилишмоқда, сиз ҳам буни кўриб турибсиз", - дея "Арсенал" вакилининг сўзларини келтиради The Telegraph.
"Манчестер Сити" Родри майдонга тушган 63 ўйиндан бери мағлуб бўлмаяпти.
