"Манчестер Сити" бош мураббийи Пеп Гвардиоланинг айтишича, унинг ҳозирги жамоаси Англия тарихидаги энг яхши жамоалардан бири сифатида эътироф этиш ҳуқуқини қўлга киритган. 53 ёшли испаниялик 2016 йилдан бери "шаҳарликлар"ни бошқариб келмоқда.
"Премьер-лигада бешта чемпионлик ва бошқа совринларни қўлга киритган бу жамоа узоқ вақт эсда қолади. Мен буни энг зўр деб атамаган бўлардим, чунки бу жуда кўп ақл бовар қилмайдиган жамоаларга нисбатан адолатсизлик бўларди. Лекин биз улардан бири бўламиз, бу аниқ. Биз ютган барча нарсаларимиз ва ўйнаган футболимиз билан биз Англиянинг барча даврлардаги энг яхши уч ёки бешта жамоаларидан бири бўлишга лойиқмиз. Бу эса шараф", - деди Гвардиола.
