"Брайтон" ўтган мавсумда инглиз клублари ичида рекорд даражада даромад кўргани маълум бўлди.
2022/23 йилги мавсумда клуб солиқдан кейин 122,8 миллион фунт стерлинг фойда кўрди. Инглиз клублари орасидаги аввалги рекорд “Тоттенхэм”га тегишли эди – 2017/18 йилги мавсум якунида 113 миллион фунт стерлинг.
Қайд этилишича, фойданинг салмоқли қисми Алексис Макаллистернинг “Ливерпул”га ва Марк Кукурельянинг “Челси”га, шунингдек, бош мураббий Грэм Поттернинг “Челси”га ўтиши ортидан келган.
Бироқ 2023 йилнинг ёзида Мойзес Кайседонинг 115 миллион фунтга ва Роберт Санчеснинг 25 миллион фунтга амалга ошган трансферлари кўрсатилган муддатда ҳисобга олинмаган.
"Брайтон" бош директори Пол Барбер клуб билан 2030 йилгача мўлжалланган янги шартнома бўйича келишиб олди, деб хабар беради The Times.
