Лиссабоннинг “Спортинг” клуби бош мураббийи Рубен Аморим “Барселона”ни бошқармайди. Журналист Педро Сепулведа берган маълумотларга кўра, "кўк-анорранглилар" Англиянинг "Ливерпул" клубига фаол қизиқиш билдираётган португалиялик мутахассисни таклиф қилмоқчи эмас.
“Барселона” бош мураббийи лавозими ёзда бўш қолиши керак, чунки Хави Эрнандес мавсум якунида истеъфога чиқишини маълум қилганди. Бироқ, жамоа раҳбарияти ҳозирги мураббийнинг кетиш ҳақидаги фикрини ўзгартириши ва камида яна битта мавсумга қолишидан умидини йўқотмайди.
“Спортинг”ни бошқараётган Аморим аввалроқ Португалия чемпионлигини қўлга киритганди. Лиссабон жамоаси ҳозир миллий чемпионатда яна пешқадамлик қилмоқда.
