Мюнхеннинг "Бавария" клуби янги бош мураббийни танлади.

Todofichajes нашри хабар беришича, немис гиганти раҳбарияти Юлиан Нагельсманни бош мураббий лавозимига қайтаришга қарор қилган.

Эслатиб ўтамиз, 36 ёшли мутахассис 2021 йилдан 2023 йилгача жамоани бошқарган. Юлиан айни дамда Германия терма жамоаси бош мураббийи лавозимини эгаллаб турибди.

Аввалроқ "Бавария"нинг амалдаги бошқарувчиси Томас Тухель 2023/2024 йилги мавсум якунида жамоани тарк этиши маълум бўлганди. Унинг қўл остида жамоа Германия кубогидан чиқиб кетди ва Бундеслига чемпионлигини қўлдан чиқаришга яқин.