"Фулхэм" вингери Адама Траоре фаолиятини Испания чемпионатида давом эттириши мумкин.
Todofichajes нашри хабарларига кўра, 28 ёшли футболчини "Валенсия" ўз сафига қўшиб олмоқчи. Ёзги трансфер ойнаси вақтида томонлар Траоренинг трансфери борасида музокаралар олиб боришлари мумкин.
Футболчининг бозор қиймати тўққиз миллион еврога баҳоланмоқда ва унинг "Фулхэм" билан шартномаси 2025 йилнинг ўрталарига қадар амал қилади.
Адама "Фулхэм"нинг асосий таркиб футболчиси эмас. Испаниялик футболчи Англия чемпионатининг 11та учрашувида қатнашиб, битта гол ва иккита голли узатмага муаллифлик қилган.
