"Арсенал" бош мураббийи Микель Артета Англия Премьер-лигасида "Лутон"га қарши ўйинда ярим ҳимоячилар Эмил Смит-Роу ва Рейс Нелсоннинг ўйинини юқори баҳолади.

“Мен футболчиларимга ва умумий таркибга бошқача қарайман. Барча ўйинчилар тайёр эканлигидан жуда хурсандман. Агар биз ҳаммадан яхши натижа олишни истасак, ҳамма ўйнаши керак. Нелсон ва Смит-Роуни асосийда тушириш учун тўғри вақтни танладим деб ўйлайман. Улар яхши реакция кўрсатишди", деди Артета матбуот анжуманида.

“Арсенал” ҳозирда АПЛ турнир жадвалида пешқадам бўлиб турибди.