"Наполи" сардори Жованни ди Лоренцо келажаги борасида муҳим қарор қабул қилди. Хабарга кўра, ўнг қанот ҳимоячиси ёзги трансфер ойнасида жамоани тарк этишга тайёр.

Манба шунингдек, “Астон Вилла” италиялик ҳимоячи учун курашаётганини қўшимча қилди. Унаи Эмери жамоаси аллақачон футболчининг атрофидагилар билан эҳтимолий келишувни муҳокама қилиш учун музокараларни бошлаб юборган.

Ўтган мавсумда Жованни неаполликларга 30 йил ичида биринчи марта А Серия чемпионлигини қўлга киритишига ёрдам берди. Жорий миллий чемпионатда ҳимоячи битта гол урди ва бешта голли узатмани амалга оширди.