"Реал Мадрид" ва Франция терма жамоаси ярим ҳимоячиси Аурелиен Тчуамени ёзда клубини ўзгартириши мумкин.
TeamTalk нашри хабарига кўра, франциялик ярим ҳимоячи Лондоннинг "Челси" клубининг нишонига айланган, у эҳтимолий жамоани тарк этиши мумкин бўлган Конор Галлахерга ўринбосар бўлиши мумкин.
Шу билан бирга, 24 ёшли футболчининг ўзи ҳам "Реал"ни тарк этишни режалаштирмаяпти. Жорий мавсумда Тчуамени "Лос Бланкос" сафида 32 та ўйинда майдонга тушиб, 2 та гол ва 1 та голли узатмани амалга оширган.
Футболчининг "Реал" билан шартномаси 2028 йилгача мўлжалланган ва трансфер нархи 90 миллион еврога баҳоланмоқда.
