"Челси" ҳужумчиси Коул Палмер АПЛнинг 31-турида "Манчестер Юнайтед" устидан қозонилган ғалаба (4:3) ҳақида фикр билдирди. У асосий вақтга қўшиб берилган дақиқаларда 2 та гол уриб, жамоасига ғалаба келтирди.

"Ақлдан озган ўйин. 98-дақиқада гол урганимизда, ўйинни ютиб олишимиз керак деб ўйладим. Ғалаба голини урганимда нима қилишни билмай, майдон бўйлаб югурдим. Хет-трик - бу хет-трик. Гол урганимизда Почеттино: "Олға, яна икки дақиқа", деди. У ҳар доим бизни олдинга ундаш учун ҳаракат қилади. Биз таваккал қилдик ва гол урдик. Бу бизга туртки берадиган ва барчанинг кайфиятини кўтарадиган катта ғалаба. Умид қиламанки, биз худди шундай руҳда давом эта оламиз”, - дея Палмер сўзларини келтиради BBC.