Аввалроқ боксчимиз Бектемир Мелиқўзиев 20 апрель куни франциялик Пьер Хубер Дибомбега қарши жанг қилиши ҳақида хабар қилгандик.
Бектемир ҳамкорлик қиладиган "Golden Boy" промоутерлик компанияси боксчимизнинг жангини расман эълон қилди. 

Ушбу жанг Нью-Йорк шаҳрида ташкил этилади ва DAZN орқали трансляция қилинади. Унда Бектемир ўзига тегишли WBA Inter-Continental камарини ҳимоя қилади. 

Маълумот учун, чарм қўлқоп устамиз шу кунгача проф боксда 14 та жанг ўтказиб, уларнинг 13 тасида ғалаба қозонган (10 та КО). Ҳисобида битта мағлубият бор. Хубер эса 23 та жанг ўтказиб, уларнинг 22 тасида ғалабага эришган (12 та КО). Бектемир сингари бир маротаба мағлуб бўлган.