Грузиялик дарвозабон Гиорги Мамардашвили ёзги трансфер ойнасида “Валенсия”ни тарк этишга яқин турибди. Todofichajes журналистларининг хабар беришича, 23 ёшли дарвозабон билан Англиянинг "Ньюкасл" клуби қизиқиш билдирмоқда.
"Магпийлар" футболчини 35 миллион евро эвазига сотиб олиши мумкин. Испания чемпионатининг жорий мавсумида Мамардашвили 30 та ўйин ўтказиб, 32 та гол ўтказиб юборди. 12 учрашувда грузин дарвоза дахлсиз сақлаб қолган.
Ла Лиганинг 30-туридан сўнг “Валенсия” 44 очко жамғариб, турнир жадвалида 7-ўринда бормоқда.
