"Манчестер Сити" ярим ҳимоячиси Матео Ковачич АПЛ доирасидаги "Кристал Пэлас"га қарши ўйин олдидан журналистлар саволларига жавоб берди.

29 ёшли хорватиялик ҳар доим ҳам "шаҳарликлар"нинг асосий таркибига киравермайди, бу унинг фикрича, мутлақо нормал ҳолат.

“Агар сиз дунёнинг энг яхши жамоасида ўйнашни ва совринлар учун курашишни истасангиз, ёнингизда ажойиб ўйинчилар бўлади. Барчамизни кўпроқ ишлашга ва ривожланишда давом этишга мажбур қиладиган рақобат борлиги жуда ёқимли.

Менга “Манчестер Сити” жуда ёқади – бизда ажойиб жамоа ва кучли мураббий бор. Мен ҳали ҳам мослашиш, ўрганиш ва ривожланишда давом этаман.

Сиз бу ерда кўп нарсаларни ўрганишингиз мумкин, ҳатто менинг ёшимда ҳам. 29-30 ёшда ҳам яхшиланишингиз мумкин, шунинг учун ҳам бу ерга келдим", - дея Ковачич сўзларини келтирмоқда City Zone.