"Manchester Siti" yarim himoyachisi Mateo Kovachich APL doirasidagi "Kristal Pelas"ga qarshi o‘yin oldidan jurnalistlar savollariga javob berdi.
29 yoshli xorvatiyalik har doim ham "shaharliklar"ning asosiy tarkibiga kiravermaydi, bu uning fikricha, mutlaqo normal holat.
“Agar siz dunyoning eng yaxshi jamoasida o‘ynashni va sovrinlar uchun kurashishni istasangiz, yoningizda ajoyib o‘yinchilar bo‘ladi. Barchamizni ko‘proq ishlashga va rivojlanishda davom etishga majbur qiladigan raqobat borligi juda yoqimli.
Menga “Manchester Siti” juda yoqadi – bizda ajoyib jamoa va kuchli murabbiy bor. Men hali ham moslashish, o‘rganish va rivojlanishda davom etaman.
Siz bu yerda ko‘p narsalarni o‘rganishingiz mumkin, hatto mening yoshimda ham. 29-30 yoshda ham yaxshilanishingiz mumkin, shuning uchun ham bu yerga keldim", - deya Kovachich so‘zlarini keltirmoqda City Zone.
