"Арсенал" бош мураббийи Микель Артета Англия чемпионатининг 32-туридан ўрин олган "Брайтон"га қарши ўйин натижаси ҳақида фикр билдирди.

Лондонликлар “чайқалар”ни 3:0 ҳисобида мағлуб этиб, Премьер-лига турнир жадвалида биринчи ўринни эгаллади.

"Бу жуда қийин эди, "Брайтон" август ойидан бери ўз уйида мағлуб бўлмаган жамоа эди. Бу жамоага қарши ўйнаш жуда қийин, у жуда кўп қийинчиликларни келтириб чиқаради. Лекин жамоамиз етук ва ақлли ҳаракат қилиб, кўрсатиши керак бўлган ўйинни кўрсатди.

Меҳмондаги 5 та учрашувда гол ўтказиб юбормаганимиз ажойиб, бу катта плюс. Биз худди шу руҳда давом этишимиз керак”, - дея Артета сўзларини келтиради BBC.