"Ливерпуль" раҳбариятининг ҳужумчи Муҳаммад Салоҳнинг келажаги борасидаги режалари маълум бўлди.
Инсайдер Экрем Конурнинг ижтимоий тармоқларда хабар беришича, мерсисайдликлар мисрлик футболчига янги меҳнат шартномасини таклиф қилади.
Агар келишувга эришилмаса, футболчи ёзги трансфер ойнасида сотилади.
"Ливерпуль" Салоҳни Саудия Арабистонига сотиши мумкин, у ерда унга анчадан бери қизиқиш билдиришмоқда.
"Қизиллар" бу келишувдан тахминан 100 миллион евро ишлаб олишни кутмоқда. Муҳаммаднинг инглиз гранди билан амалдаги шартномаси 2025-йилда якунига етади.