"Фиорентина" бош мураббийи Винченцо Итальяно жамоасининг "Ювентус"га қарши ўйиндаги мағлубияти (0:1) ҳақида гапирди.
Якшанба куни А Сериянинг 31-тури доирасида бўлиб ўтган учрашувдаги ягона голни 21-дақиқада "бьянконерилар" ҳимоячиси Федерико Гатти киритди.
"Биз биринчи бўлимда "Ювентус"дан қўрқиб ўйнадик. Ўйлайманки, биз кейинроқ нимадир яратишга муваффақ бўлдик, лекин барибир рақиб жамоанинг жарима майдончасига киришда қийналганимиз сабабли биринчи бўлимда панд едик.
"Ювентус" жисмонан кучли ва жуда тажовузкор эди, биз эса тўпни жуда секин ҳаракатлантирдик ва рақибларга барча бўш жойни эгаллашга имкон бердик.
Танаффус олдидан айнан шу катта хато бўлди. Иккинчи бўлимда характер кўрсатдик, вазиятлар яратдик, гол уришга яқин келдик" - деди Итальяно.
