Каталониянинг "Барселона" клуби ёзги трансфер ойнасида "Манчестер Сити" ярим ҳимоячиси Бернарду Силвани қўлга киритишга ҳаракат қилади. Бу ҳақда "Sport" нашри хабар берди.
Манбага кўра, каталонияликлар президенти Жоан Лапорта 29 ёшли португалиялик футболчининг 55-60 миллион евролик товон пулини бўлиб-бўлиб тўлашни таклиф қилади. Эслатиб ўтамиз, бу товон пули миқдори фақат "Барселона" учун амал қилади.
Бернарду жорий мавсумда 39 та ўйинда 9 та гол уриб, 5 та голли пас берди. Унинг "шаҳарликлар" билан амалдаги шартномаси 2026 йилгача тузилган.