Родриго "Сити"га гол урганидан кейин нима учун Криштиану Роналду каби голни нишонлаганини тушунтирди.
23 ёшли бразилиялик Родриго Чемпионлар лигаси 1/4 финалининг биринчи ўйинида "Манчестер Сити"га қарши ўйинда (3:3) "Реал"нинг иккинчи голини киритди. У голни “Ан-Наср” ҳужумчиси каби нишонлади.
“Мен доим Криштианунинг видеоларини томоша қиламан. Баъзида уларни ўйинлардан олдин кўраман, илҳом олиш учун. Мен гол урганимда у ёдимга тушди.
Болалигимни эсласам, Роналдунинг Чемпионлар Лигасидаги ўйинини кўриб, мухлислар унинг исмини айтиб, бақирганини эслайман. Бу хаёлимга келади.
Ҳар доим айтганимдек, у менинг кумирим, менинг қаҳрамоним, шунинг учун уни қанчалик қадрлашимни кўрсатиш учун унинг услубида нишонлаш ҳар доим ёқимли”, - деди “Реал Мадрид” вингери TNT Sports телеканалида.
