"Манчестер Сити" ярим ҳимоячиси Фил Фоден яқинда Чемпионлар лигаси чорак финалида "Реал"га қарши ўйинда (3:3) урган голига баҳо берди.
Англиялик футболчи 66-дақиқада жарима майдончаси ташқарисидан йўллаган зарбаси билан "Лос-Бланкос" дарвозасини ишғол қилди.
Фоденнинг аниқ зарбаси таблода тенгликни ўрнатди (2:2), шундан сўнг жамоалар яна бир бор ўзаро гол уришди.
"Мен урган энг яхши голлардан бири. Бу мен машғулотларда ишлайдиган техникадан биридир. Тўпни қабул қилиб олганимда, “Нега тепмаслик керак?” деб ўйладим.
Яхшиямки, ҳаммаси жойида бўлди, мен яхши ҳаракат қилдим, тўп юқори бурчакка тегди. Дунёдаги энг зўр стадионлардан бирида гол уриш ажойиб туйғу", - дея Фоденнинг сўзларидан иқтибос келтиради City Zone.
