"Вест Хэм" ярим ҳимоячиси Лукас Пакета "Манчестер Сити"нинг трансфер мақсадларидан бири. Бразилиялик футболчининг шартномасида 85 миллион фунт стерлинг эвазига сотиб олиш банди бор.
Инсайдер Фабрицио Романонинг сўзларига кўра, "Манчестер Сити" ҳамон Пакетани асосий мақсадларидан бири деб билади, аммо 26 ёшли футболчи борасида ҳали қарор қабул қилингани йўқ.
Ҳужумкор ярим ҳимоячининг ўзи бу трансферга ўтган ёзда, илк музокаралар бошланган пайтдан бери қизиқиб қолган. Лукас Пакета ушбу мавсумда “Вест Хэм” сафида 37 та ўйинда майдонга тушиб, 8 та гол урди ва 7 та голли узатмани амалга оширди.
