"Тоттенхэм" бош мураббийи Анге Постекоглу Сон Хён Мин келажакда максимал даражада эътироф этилишига ишонмоқда.

Жанубий кореялик футболчи 2015 йилдан буён “шпорлар” шарафини ҳимоя қилиб келмоқда. У Лондон жамоаси учун барча турнирларда 401 та ўйинда 160 та гол урган.

"У супер юлдуз, дўстим, менимча, у жаҳон даражасидаги ўйинчи. У дунёнинг нариги чеккасидаги Осиё Кубогига ўз терма жамоасини ҳимоя қилиш учун борди ва у ерда яхши ўйнади ва "Тоттенхэм"да ажойиб ўйин кўрсатишда давом этди.

Мен унинг жисмоний қобилиятлари пасайиб бораётганини кўрмаяпман - у келажакда ҳам худди шундай чўққиларни забт этишда давом этиши мумкин. Сон нафақага чиққанида Прьемер-лиганинг энг буюк ўйинчиларидан бири сифатида тарихга киришига шубҳам йўқ”, - деди Постекоглу шанба куни “Ньюкасл”га қарши ўйин олдидан.