"Астон Вилла" жамоаси устози Унаи Эмери Англия чемпионатининг 33-турида "Арсенал" устидан қозонилган ғалабадан сўнг ўз фикрларини билдириб ўтди.
"Эмирейтс” стадионида бўлиб ўтган учрашув "Астон Вилла"нинг 2:0 ҳисобидаги ғалабаси билан якунланди.
"Бу жуда қийин ўйин эди ва ҳимояда яхши ўйнашга ҳаракат қилишимиз керак эди. Биз бутун 90 дақиқани изчил ўйнашга ва ўз вазиятимизни кутишга ҳаракат қилдик. Бизда ҳар бир учрашувда барқарорлик йўқ, лекин бугун биз фантастик ўйнадик", - деди Эмери.
"Астон Вилла" 63 очкога эга ва АПЛ турнир жадвалида тўртинчи ўринда бормоқда. "Арсенал" 71 очко билан иккинчи ўринда бормоқда.
