Ҳужумчи Доминик Калверт-Люин узоқ вақтдан бери Англия Премьер-лигаси клублари трансфер рўйхатида бўлиб келади. Бироқ, "Эвертон" бу футболчини ўз сафида сақлаб қолмоқчи.
Football Insider хабарига кўра, мерсисайдликлар клуби Калверт-Люин билан шартномани узайтиришдан манфаатдор. 27 ёшли Калверт-Люиннинг ҳозирда шартномаси 2025 йилнинг ўрталарига қадар тузилган.
Агар клуб шартномани узайтириш борасида келиша олмаса, футболчини бир йилдан кейин текинга йўқотмаслик учун ёзда сотиш фойдали бўлади. 2023/2024 йилги мавсумда Доминик Калверт-Люин 33 та ўйинда 6 та гол урди ва жамоадошлари учун иккита голли узатмани амалга оширди.