"Бавария" бош мураббийи Томас Тухель "Реал"га қарши бўлажак ўйинлар ҳақида фикр билдирди.
Мюнхенликлар Лондоннинг “Арсенал” клубини мағлуб этиб, ярим финалга чиқди, “Реал” эса “Манчестер Сити”ни турнирдан чиқариб юборди.
"Ярим финалда ҳаммаси бошқача бўлади, чунки "Реал"нинг услуби "Арсенал"никидан жуда фарқ қилади. Бу мавсумда "Реал Мадрид"нинг кўп ўйинларини кўрмадим, аммо бизни энг қийин ўйинлар кутиб турибди. Биз дунёнинг энг катта клубига қарши курашамиз. Биз ушбу чақирувни интиқлик билан кутмоқдамиз ва умид қиламизки, биз бу имкониятни қўлга киритамиз", - дея Тухелнинг сўзларини келтиради Bayern & Germany.
"Бавария"нинг "Реал" билан ўйинлари 30 апрель ва 8 май кунлари бўлиб ўтади.
