Олдинроқ “Манчестер Юнайтед”нинг икки мухлиси "Хиллсборо" фожиаси ҳақида бақиргани учун ҳибсга олинганди.
The Athletic хабарига кўра, Манчестер полицияси 44 ёшли мухлисни Англия кубоги чорак финалида "Манчестер Юнайтед" ва "Ливерпуль" ўртасидаги ўйинда фожиа ҳақида қичқиргани учун уч йилга стадиондан четлаштирди. Унга шунингдек, 1205 фунт стерлинг миқдорида жарима солинди.
Майкл Бернард Авери “Жамоат тартиби тўғрисида”ги қонуннинг 4А бўлими бўйича айбланган ва гаров эвазига қўйиб юборилган.
Авери ўз айбига иқрор бўлди ва футбол ўйинларига боришдан уч йил муддатга четлаштирилди, шунингдек, 320 фунт товон пули ва 800 фунт стерлинг жарима тўлагани ва айбига эрта иқрор бўлгани туфайли унинг жазоси камайтирилди.
