"Барселона" ҳимоячиси Рональд Араухо ёзги трансфер ойнасида клубини ўзгартириши мумкин.

Diario Sport нашри хабарига кўра, уругвайлик футболчининг атрофидагилар "Барселона"нинг янги шартнома таклифидан норози. Шу сабабли, Араухога яқин одамлар ҳимоячини "кўк-анорранглилар" сафини тарк этишга кўндиришлари мумкин.

Жорий мавсумда 25 ёшли футболчи барча турнирлар доирасида 34та учрашувда иштирок этиб, битта гол урган. Араухонинг "Барселона" билан шартномаси 2026 йилгача мўлжалланган.

Transfermarkt портали футболчининг нархини 70 миллион еврога баҳолаган. 29 апрель куни "Барселона" ўз майдонида "Валенсия"га қарши баҳс олиб боради. Ла Лиганинг 33-туридан ўрин олган ўйин Тошкент вақти билан соат 23:59да бошланади.