“Валенсия” дарвозабони Гиорги Мамардашвили “Валенсия”ни тарк этиб, Чемпионлар лигаси ёки Европа лигасида ўйнашга қизиқмоқда, деб хабар беради AS.

32 турдан сўнг "Валенсия" 47 очко билан саккизинчи ўринда бормоқда, бу эса унинг кейинги 2024/2025 йилги мавсумда еврокубоклардаги иштирокини таъминламайди.

Манбанинг хабарига кўра, испан клуби 23 ёшли грузиялик дарвозабондан тахминан 20 миллион евро эвазига хайрлашишга тайёр.

Аввалроқ, ОАВда миланликлар дарвозабон хизматларига қизиқаётгани ҳақида маълумотлар пайдо бўлганди.

Жорий мавсумда дарвозабон 32 та ўйинда майдонга тушиб, 12 тасида ўз дарвозаси дахлсизлигини сақлаб қолган, қолганларида эса 34 та гол ўтказиб юборган.