Мадриднинг “Реал” клуби ҳимоячи Лукас Васкес билан шартномани узайтирмоқчи. Бу ҳақда Relevo хабар бермоқда.
Томонлар шу ҳафта келишувни узайтириш бўйича музокараларни бошлашни режалаштирмоқда. Футболчининг "Қироллик клуби" билан амалдаги шартномаси жорий мавсум охиригача амал қилади.
Испаниялик футболчи "Реал Мадрид" тарбияланувчиси ҳисобланади. Жорий мавсумда 32 ёшли ҳимоячи барча турнирларда 32 та ўйин ўтказиб, 2 та гол урди ва 6 та голли узатмани амалга оширди.