"Жирона" футболчилари машғулот вақтидаги тўқнашувдан сўнг касалхонага ётқизилди.
Испания матбуоти хабарига кўра, Иан Коуто ва Хуанпе машғулотлар вақтида бошлари билан тўқнашиб кетганидан жароҳат олишган. Жамоа мураббийи Мичель вазият "ёмон кўринмоқда" деди.
Шундан сўнг, клуб футболчиларнинг аҳволи яхши эканлиги ва аллақачон тиббий муассасадан чиқарилгани ҳақида маълумот тарқатди.
"Хуанпе ва Иан Коуто бугунги машғулот вақтида тўқнашиб кетишди ва улар касалхонага ётқизилди, кейинроқ қўйиб юборилди", - дейилади жамоа расмийлари баёнотида.
Эслатиб ўтамиз, "Жирона" Испания чемпионатидаги 32 учрашувдан сўнг турнир жадвалида учинчи ўринда бормоқда. Жамоа 68 очко жамғарди.
