"Барселона" кетма-кет тўртинчи йил Аёллар ўртасидаги Чемпионлар Лигаси финалида ўйнайди.

“Барселона” аёллар ўртасидаги Чемпионлар лигасининг ярим финали иккинчи ўйинида “Челси”ни мағлуб этди (2:0, биринчи ўйин 0:1).

"Блауграна" кетма-кет тўртинчи марта асосий аёллар еврокубоги финалига чиқди. Умуман олганда, сўнгги 6 мавсумда бу Каталония клубининг 5-финали бўлади. Жамоа икки марта кубокни қўлга киритди ва икки марта мағлубият аламини тотиб кўрди.

Ҳал қилувчи баҳсда “Барселона” футболчилари 25 май куни Бильбао шаҳрида, “Сан-Мамес” стадионида “ПСЖ” – “Лион” жуфтлиги ғолиби (биринчи ўйин – 2:3) билан учрашади.