Хулен Лопетеги тез орада "Милан"га ишга кириши мумкин. Испаниялик мутахассис клуб томонидан кампания якунида фаолиятини якунлаши режалаштирилган Стефано Пиоли ўрнига устувор номзод сифатида кўрилмоқда.
Журналист Даниеле Лонгонинг ёзишича, “россонерилар” раҳбарияти аллақачон Лопетегги билан 3 йиллик шартнома бўйича келишиб олган, шартнома шартларига кўра, у мавсумига тахминан 4 миллион евро ишлаб олади.
Хабарингиз бор, “Милан” мухлислари “Вулверхэмптон”нинг 57 ёшли собиқ мураббийининг тайинланишига очиқчасига қарши чиқишган, шунинг учун А Серия гиганти ҳали ҳам унинг номзодини рад этиши мумкин.
