"Валенсия" бош мураббийи Рубен Бараха Ла Лиганинг 34-тури доирасидаги "Барселона"дан учралган мағлубият (2:4) ҳақида фикр билдирди.

"Менимча, иккинчи гол билан эпизодда Фермин Лопес учун фаол офсайд бўлди. Мен буни қандай қилиб тўғри баҳолашни билмайман. Ҳаммаси жуда тез содир бўлади, ҳакам нима қарор қилишини тушунмаяпман. Улар ниманидир муҳокама қилишяпти ва гол борлигини айтишмоқда. “Барселона” футболчиси худди тўпга етмоқчи бўлгандек ҳаракат қилди”, — деди мураббий ўйиндан кейин.

“Барселона” (73 очко) Ла Лигада иккинчи ўринга кўтарилиб олди. "Валенсия" (47 очко) турнир жадвалида саккизинчи ўринни эгаллаб турибди.