Даниэле де Росси Европа лигаси 1/2 финалининг 1-ўйинида “Байер”дан учралган мағлубиятга (0:2) баҳо берди.

“Биз Леверкузеннинг қанчалик кучли эканлигини бу ўйинда кўрдик. Биринчи бўлимда биз керакли услубда ўйнадик - уларнинг қарши ҳужумларини бартараф этишимиз керак эди.

Баъзан кичик нарсалар ҳам сизни ғалабадан мосуво қилади. Биз ўзимиз гол ура олмадик ва улар олдинга чиқиб олишганда, бундай жамоага қарши ўйнаш қийин эканлигини билдик.

Жавоб ўйинида биз муваффақиятга эришишимиз кераклигини тушуниб турибмиз - [мавсумда] ҳеч қачон мағлуб бўлмаган жамоанинг стадионида майдонга тушиб, 2:0'ни йўққа чиқариш қийин албатта.

Биринчи бўлимдагидек ўйин кўрсатиб, кўпроқ ҳужумга ўтишимиз керак бўлади. Буни бузиш мумкин, кейин ҳамма нарса ўзгариши мумкин.

Биз, албатта, бугунгидек охирги дақиқаларгача ўйнаймиз, ўшанда қўшиб берилган вақтда гол уриб, ҳисобни 1:2 га етказишимиз мумкин эди", - деди “Рома” бош мураббийи.