"Барселона" бош мураббийи Хавининг айтишича, "кўк-анорранглилар" кўп жиҳатдан яхшиланган ва ҳар қандай даражадаги жамоа билан рақобатлашишга тайёр.
“Биз уч ой давомида жуда яхши ўйин кўрсатмоқдамиз. Биз кўп жиҳатдан яхшиландик ва ҳар қандай жамоа билан рақобатлаша оламиз. Ноқулай шароитлар муҳим дақиқаларда яхши ҳаракат қилишимизга халақит берди. Ўйлайманки, биз жуда яхши футбол ўйнаяпмиз, ҳимоявий ва бошқа барча соҳаларда яхшиландик", - дея Хави сўзларини келтиради Mundo Deportivo.
Ла Лигада "Барса" 73 очко билан иккинчи ўринда бормоқда. Кейинги турда Хави шогирдлари “Жирона”га қарши баҳс олиб боради. Ўйин 4 май, шанба куни бўлиб ўтади ва Тошкент вақти билан соат 21.30да бошланади.
