Ҳозирда "Бетис"да ўйнаётган Абде Эззалзули "Барселона"дан Севилья клубига қандай ўтганини эслади. Марокашлик футболчи 2021 йилдан 2023 йилгача "Барселона"га тегишли эди. 22 ёшли вингер ўтган йилнинг кузида "Бетис"га ўтиб, беш йиллик шартнома имзолаган эди.
“Бетис” билан шартнома имзолашга қарор қилганимдан афсусланмадим. Оиламиз билан гаплашиб, тўғри бўлган қарорга келдик. “Бетис”да бахтлиман, бизда ажойиб мухлислар бор. Мухлисларимизнинг қўшиқ куйлаётганини эшитганимда сочларим доим тикка бўлади", - дея футболчининг сўзларини келтиради Испания ОАВлари.
Жорий мавсумда Эззалзули “Бетис” сафида 33 та ўйинда қатнашиб, 5 та гол уришга муваффақ бўлди.
