2023/2024 йилги мавсум якунида ҳужумчи Ансу Фати "Брайтон"даги ижара муддати тугагач, "Барселона"га қайтади. 21 ёшли футболчи Каталония клубининг кейинги мавсумдаги режаларига кирмайди. "Блауграна" Фатини сотишга тайёр, аммо таклифлар йўқ, шунинг учун бошқа вариантларни кўриб чиқишга тўғри келади.
Todofichajes хабарига кўра, "Севилья" Фати билан шартнома имзолаши мумкин. Андалусия клуби аллақачон "Барселона" билан музокаралар олиб бормоқда. Потенциал битим сотиб олиш имкониятини ўз ичига оладими ёки йўқми ҳозирча аниқ эмас.
2023/2024 йилги мавсумда Ансу Фати 28 та ўйинда 4 та гол урди ва жамоадошига битта голли узатма берди.
