УЕФА Чемпионлар лигаси ярим финал жавоб учрашувида Дортмунднинг “Боруссия” клуби сафарда Франциянинг “ПСЖ” клуби меҳмони бўлиб, 1:0 ҳисобида ғалаба қозонди. Биринчи ўйинда ҳам "асаларилар" рақибини худди шундай ҳисобда мағлуб этишганди.

Шу тариқа немис жамоаси Чемпионлар лигаси финалига йўл олди. Ҳуқуқлари "Манчестер Юнайтед"га тегишли бўлган қанот ҳужумчиси Жэйдон Санчо 2011 йилдан бери Чемпионлар лигасининг ҳал қилувчи ўйинида иштирок этган "қизил иблислар"нинг биринчи футболчисига айланди.

Финалда "Боруссия" "Реал" билан тўқнаш келади. Ўйин 1 июн куни "Уэмбли" стадионида бўлиб ўтади.