"ПСЖ" Чемпионлар лигасининг ярим финал босқичида Дортмунднинг "Боруссия" жамоасидан ўтиб кетишига ва Европанинг асосий клуб турнири финалига чиқиш кафолатига эга бўлишига ишончи комил эди. Бу ҳақда L’Équipe нашри хабар бермоқда.
Манбага кўра, "Боруссия" билан иккинчи ярим финал ўйини бошланишидан олдин ҳам Париж клуби жамоанинг 1 июн куни "Уэмбли" стадионида Чемпионлар лигаси финали бўлиб ўтадиган Лондонга сафари билан боғлиқ логистика масалаларини ишлаб чиқишга киришган. Бу фаолиятни клубнинг бир қанча бўлимлари амалга оширгани таъкидланган.
Эслатиб ўтамиз, "ПСЖ" икки учрашувда "Боруссия"га умумий 0:2 ҳисобида имкониятни бой берди. Немис клуби Чемпионлар лигаси финалида "Реал"га қарши ўйнайди. "ПСЖ" охирги марта 2020 йилда ушбу турнир финалига чиққан эди.
