"Байер" 2002 йилдан бери илк бор еврокубок финалига чиқди.
Пайшанба куни бош мураббий Хаби Алонсо шогирдлари "Рома" билан дуранг ўйнади (2:2) ва умумий ҳисобда "Аталанта"га қарши баҳс олиб борадиган Европа лигаси финалига чиқди.
"Байер" охирги марта 2002 йилда еврокубок финалида ўйнаган. Ўшанда немислар Чемпионлар лигаси финалида "Реал" билан тўқнаш келиб, "Реал"га 1:2 ҳисобида имкониятни бой берганди.
1987/88 йилги мавсумда "Байер" яна бир еврокубок финалида ўйнаганди - ўшанда "Эспаньол" УЕФА кубогида умумий ҳисобда мағлуб этилган (0:3, 3:0, пенальтилар - 3:2).
