"Барселона" Бильбаонинг "Атлетик" клуби вингери Нико Уильямсни сотиб олиши мумкин.

21 ёшли футболчи Каталония грандининг яқинлашиб келаётган трансфер ойнасидаги асосий мақсадларидан бири саналади. Уильямснинг ўзи "Барселона"га ўтишга тайёрлиги ҳақида миш-мишлар юрибди, аммо потенциал келишув нархи муаммо бўлиши мумкин. Mundo Deportivo хабарига кўра, Испания терма жамоаси футболчисининг трансфери "блауграна"га тахминан 50 миллион еврога тушади.

Нико Уильямсга Англия Премьер-лигаси вакиллари ҳам қизиқиш билдиришмоқда. Декабрь ойида "Атлетик" етакчиси клуб билан 2027 йилнинг ўрталарига қадар янги шартнома имзолади.