"Манчестер Юнайтед" мавсумни ёмон кайфиятда якунлаши мумкин.
12-май куни “қизил иблислар” чемпионликка интилаётган “Арсенал”ни қабул қилади, уч кундан сўнг “Ньюкасл” “Олд Траффорд”га келади, Премьер-лиганинг сўнгги турида (19-май) Эрик тен Хаг шогирдлари меҳмонда майдонга тушадилар – "Брайтон"га қарши.
25 май куни "Уэмбли"да Англия кубоги финали бўлиб ўтади ва унда "Манчестер Юнайтед" "Манчестер Сити" билан учрашади.
Айни дамда «Манчестер Юнайтед» лагеридаги муҳит яхши эмас: журналист Дэвид Макдоннелнинг сўзларига кўра, футболчилар муваффақиятсизликлар серияси давом этишидан жиддий қўрқишади. Жамоадаги руҳият ва ишонч ниҳоятда паст даражада.
