Матбуотда ярим ҳимоячи Бруно Гимараэс ёзги трансфер ойнасида "Ньюкасл"дан "ПСЖ"га ўтиши ҳақида маълумотлар пайдо бўлди. Бироқ, Daily Mail ўз саҳифаларида хабар беришича, бу хабарлар ҳақиқатга тўғри келмайди. Манбага кўра, "ПСЖ" келаси ёзда 26 ёшли бразилияликни ўз сафига қўшиб олмоқчи эмас.
Гимараэс турли мусобақаларда "Ньюкасл" учун жами 104 та расмий ўйин ўтказган ва бу ўйинларда у 16 та гол ва 14 та голли узатмани амалга оширган. Нуфузли Transfermarkt портали бразилиялик футболчини 85 миллион еврога баҳоламоқда.
