"Манчестер Юнайтед" ўтган ёзда ярим ҳимоячи Деклан Райсни сотиб олиш учун курашган эди. Футболчи охир-оқибат "Арсенал"га ўтди ва "қизил иблислар" Мэйсон Маунт билан шартнома имзолади. Бу ҳақда манкунианликлар бошқарувчиси Эрик тен Хаг фикр билдирди.

"Райс жуда яхши футболчи ва у бизнинг таркибимизга мос тушади. Лекин мен Маунтдан мамнунман, у ҳам жуда кучли футболчи. У "Челси"да мунтазам ўйнаган ва фақат бир марта жароҳат олган. Ҳозир унинг жароҳатлар туфайли омади келмаяпти, лекин у ҳақиқатан ҳам яхши футболчи. У бўлмаган ўйинларда унинг ўрни билинмоқда. У бизнинг ўйин даражамизни ошириши мумкин”, деди Тен Хаг журналистларга.