"Челси" бош мураббийи Маурисио Почеттино ўзининг келажаги ҳақида мунтазам равишда саволлар олади. "Брайтон"га қарши Премьер-лига ўйини олдидан матбуот анжумани ҳам бундан мустасно эмас эди.
“Мен “Челси”да келажакни режалаштиряпманми? Биз режалаштирамиз, ишлаймиз. Мен томондан баъзи шарҳлар салбий тарзда қабул қилинди. Лекин доимо ижобий бўлишга ва ҳис-туйғуларимни бошқаларга етказишга ҳаракат қиламан.
Ҳеч қачон келажак ҳақида ўйламайман деб айтмаганман. Биз келажак ҳақида гаплашамиз, режалар тузамиз. Режага кўра, мавсумолди тайёргарликни бошлаш. Бу менинг бор ёки йўқлигимга боғлиқ эмас", - деди Почеттино.
