"Барселона" Испания чемпионатининг турнир жадвалида ҳамон иккинчи ўринни эгаллаб турибди, бу 37-турда "Райо Вальекано" устидан қозонилган йирик ғалабадан кейин содир бўлди.
Голлардан бирини польшалик ҳужумчи Роберт Левандовски киритди ва бу гол “Барселона”га – 1,25 миллион еврога тушди.
Гап шундаки, агар "Барселонада"ги иккинчи мавсум якунида Левандовски барча турнирларни инобатга олган ҳолда мавсумда 25 та голдан кўп натижага эришса,, Каталония клуби бу суммани "Бавария"га тўлаши керак.
Қолаверса, бу шарт шартноманинг учинчи ва тўртинчи йилларида ҳам сақланиб қолади, дея аниқлик киритмоқда Испаниянинг El Mundo Deportivo нашри.
