"Аталанта" бош мураббийи Жан Пер Гасперини "Байер" устози Хаби Алонсо ҳақида ўз фикрлари билан ўртоқлашди. Испаниялик мутахассисга “Ливерпуль”, “Бавария” ва Европа футболининг бошқа гигантлари қизиқиш билдиришди, бироқ у “доричилар” билан ишлашни давом эттиришга қарор қилди.

Леверкузен жамоаси Европа Лигаси ғолибига айланиши мумкин, бунинг учун улар финалда "Аталанта" ни мағлуб этишлари керак. Гасперини ўйиндан олдинги матбуот анжуманида журналистларнинг саволларига жавоб берар экан, Алонсони "Байер"да қолиш қарорини олқишлади.

“Сиз кетиш учун тўғри вақт қачон келишини ҳеч қачон билмайсиз. Алонсонинг қилган иши бутун футбол учун ажойиб ўрнакдир", - деди италиялик мутахассис.