Сешанба куни ярим ҳимоячи Тони Кроос Европа чемпионатидан кейин фаолиятини якунлаш қарорини эълон қилди.
Relevo ўз саҳифаларида хабар беришича, Кроос 11-12 май кунлари футболдаги фаолиятини тугатишга қарор қилган.
Дастлаб футболчи бу ҳақда фақат яқинларини хабардор қилган. “Реал” футболчилари ҳақида гапирадиган бўлсак, Кроос фаолиятини якунлаш масаласини фақат Лука Модрич билан муҳокама қилган.
Карло Анчелоттига келсак, "Лос-Бланкос" бош мураббийи немиснинг бу қароридан фақат бир неча соат қолганида хабар топди.
Айтиш жоизки, Тони Кроос футболни анча эрта – 34 ёшида тарк этади.
