37 ёшли франциялик ҳужумчи Оливье Жиру Евро-2024 якунида Франция терма жамоасидаги фаолиятини якунлашини эълон қилди.
«Шубҳасиз, мен терма жамоада ўйнашни жуда соғинаман, аммо ёш футболчиларга йўл бериш вақти келди», - дея Жирунинг сўзларини келтиради "L'Equipe".
Жиру 2011 йилнинг ноябрида Франция терма жамоасида дебют қилган. Умуман олганда, ҳужумчи Франция терма жамоаси сафида 131 та ўйинда майдонга тушган. Ушбу учрашувларда форвард 57 та гол урди ва 16 та голли узатмани амалга оширди. Жиру Франция терма жамоаси билан 2018 йилги жаҳон чемпионати ва 2021 йилги Миллатлар лигасида ғолиб чиқди.
