Нидерландиялик ҳужумчи Воут Вегхорст «Хоффенхайм» билан ижара шартномаси якунланганидан кейин Англиянинг «Бёрнли» клубига қайтади, дея хабар беради журналист Флориан Плеттенберг Х (собиқ Тwиттер) ижтимоий тармоғида.

Манбага кўра, «Хоффенхайм» форвардни сотиб олиш бўйича таклиф билан чиқмайди, бироқ клуб унинг ўйинларидан жуда мамнун ва ижарани муваффақиятли деб ҳисоблайди.

Жорий мавсумда 31 ёшли Вегхорст барча мусобақаларда «Хоффенхайм»нинг 30 та учрашувида қатнашиб, 7 та гол урди ва 4 та голли узатмани амалга оширди.

Форварднинг «Бёрнли» билан амалдаги шартномаси 2025 йилнинг ёзига қадар мўлжалланган. Эслатиб ўтамиз, инглиз клуби 2023/2024 йилги мавсум якунида Премьер-лигадан тушиб кетди ва келаси йили Чемпионшипда иштирок этади.